breaking

PNP Bukidnon nakasikop og 27 ka Most Wanted Persons sa usa ka bulan

person access_timeFriday, October 28, 2022 chat_bubble_outline0 comment

 

DAKBAYAN SA MALAYBALAY (BukidnonNews.Net) Muabot sa 27 ka mga “Most Wanted Persons” sa probinsya ang nadakpan sa mga otoridad gikan Setyembre 28 hangtud Oktubre 24 ning tuiga, matud pa sa pamunuan sa Philippine National Police - Bukidnon.

Kini nga datus sukad nga mihulip sa pwesto pagka-Director sa kapulisan sa probinsya sa PCol. Reynante R. Reyes.

Gipangunahan ni PCol. Reyes ang pagpresenta sa mga nag-unang kalampusan sa kapulisan sa probinsya atol sa gipahigayong press conference kaniadtong Octobre 23 sa Provincial Headquarters, Camp Ramon M. Onahon, Barangay 7, Malaybalay City, Bukidnon.

Sa maong ihap, 11 ang most wanted persons sa nagkadaiyang kaso sa probinsya, tulo (3) ang city level, ug 13 ang municipal level.

Sa matang sa loose firearms, siyam ang naarestong mga suspetsado, 27 ka mga tag-as ug mugbo nga mga kalibre sa armas ang narekober, ug 22 ang nakompiska sa “Oplan Katok” nga programa sa kapulisan.

Sa pikas nga bahin, ubay-ubay nga mga gramo sa gituohang drogang shabu ang nakompiska sa mga otoridad atol sa gipahigayong mga drug buy-bust operations diin mutimbang og kinatibuk-ang 34.59 gramos ug gibana-bana nga mukantidad og kapin P200 mil ka pesos.

Gipaniguro ni Col. Reyes nga magpadayon ang mga operasyon sa kapulisan batok sa mga nagkadaiyang kriminalidad samtang gipasidunggan ang mga nag-unang presinto sa kapulisan sa probinsya sa mga kalampusan niini. (Gikan kang Rubbie Mark Micabalo/RMN-Malaybalay)

Si PCol. Reynante R. Reyes atol sa Press Conference. Hulagway kuha ni Rubbie Mark Micabalo

folder_openAssigned tags
content_copyCategorized under
shareShare article