bukidnon

[BINISAYA] 5 ka NPA positibo sa COVID-19, sa duha ka engkewentro sa Bukidnon

person access_timeFriday, September 17, 2021 chat_bubble_outline0 comment

MARAMAG, Bukidnon (BukidnonNews.Net/September 17, 2021) Lima na ka mga sakop sa New People’s Army (NPA) ang nagpositibo sa corona virus ko COVID-19 human sa engkwentro sa San Fernando ug Valencia City,Bukidnon sa nakalabay’ng September 8 ug 9, 2021.

Sigun ni 1Lt.Sancho Tomaquin,Civil Military Operations (CMO) Officer sa 88thIB, nga nahinabi sa Bukidnon News via phonepatch nga sa gipahigayong test, nagpositibo sa COVID-19 ang usa sa upat ka NPA nga napatay sa engkwentro sa San Fernando, Bukidnon.

Samtang,nagpositibo usab sa COVID-19 ang usa ka babaye nga samaran human sa engkwentro nga naa karon sa is aka ospital.

Samtang sa upat ka mga minor de edad nga nadakpan usa sa ila ang nagpositibo usab sa virus.

Dugang ni 1Lt.Tomaquin nga ang babaye nga samaran ug ang usa sa tulo ka minor de edad nga nadakpan sa engkwentro ang pinakabag-ohay nga nagpositibo sa COVID-19.

Samtang sa nahitabong engkwentro sa Laligan,Valencia City,Bukidnon, sa upat nga nadakpan, duha ka minor de edad ang nagpositibo usab sa COVID-19.

Una niini,matud ni Brig.Gen.Ferdinand Barandon,403rd Brigade Commander, base sa guidelines sa Inter-Agency Task Force (IATF) nga human makumpirma nga positibo ang usa sa mga napatay, diretso na nga gilubong kini lakip ang laing tulo nga napatay.

Tungod kay nahimong close contact ang usa ka platoon sa mga sundalo nga gika-engkwentro sa mga NPA,gi-isolate sila  gipaubos sa  obserbasyon kung dunay mga sintomas.

Nagpahayag sa interview sa Bukidnon KBP Interaction si Ka Malim Mabini ang spokesperson sa North Central Mindanao Region Committee (NCMRC) nga gipatuman nila ang istriktong health protocols ug naghimo sila og mga herbal aron mabatokan ang COVID-19.

Gusto ipahibalo ni Maj.Gen.Romeo S. Brawner sa mga sakop sa NPA nga ang COVID-19,walay gipili ma sundalo man,pulis o ma NPA.

Matud pa andam si MGen.Brawner nga mohatag og COVID-19 vaccines sa mga NPA kung magdesisyon sila nga biyaan nila ang armadong pakigbisog ug mokooperar sa ila. (Sean G.Sulugan, BukindonNews.Net correspondent)  

file photo courtesy of capc.org

folder_openAssigned tags
content_copyCategorized under
shareShare article